ရှေ့တိုးလည်း ထမ်းပိုး၊ နောက်ဆုတ်လည်း လှည်းတုတ်

ကျော်စွာမိုး |April 07 ၊ 2008
မြန်မာ စစ်အစိုးရခေါင်းဆောင်များသည် စိတ်ဓါတ်စစ်ဆင်ရေး ၀ိဇ္ဇာများ ဖြစ်ကြသည်။ ဤကိစ္စများနှင့် ပတ်သက်၍ ယခင်က အောင်မြင်မှုရခဲ့သည့်အပေါ်လည်း ဂုဏ်ယူနေကြသည်ဟုပြောလျှင် ရနိုင်သည်။ လူထုဆက်ဆံရေးနှင့် စိတ်ဓါတ်စစ်ဆင်ရေး ညွှန်ကြားမှုဦးစီးဌာနကို တိုးချဲ့ဆောင်ရွက်နေသည်ဟု ဆိုလျှင်သင် မည်သည့်နိုင်ငံတွင် ကြားဖူးပါသနည်း။
ပြည်တွင်းနှင့် နိုင်ငံတကာအမြင်များကို လှည့်ဖျားအသုံးချနိုင်ရန် သူတို့ဆောင်ရွက်နေပုံက ခေတ်ပေါ် ဈေးကွက်ထိုး ဖောက်ရေး ဗျူဟာများထက်စာလျှင်၊ ယခင်ကိုလိုနီ ခေတ်ဟောင်း "သွေးခွဲအုပ်ချုပ်ရေး" ပုံစံမျိုးနှင့် ပို၍ တူနေပါသည်။

ဖွဲ့စည်းအုပ်ချုပ်ပုံ (မူကြမ်း) အပေါ် ပြည်သူ့ဆန္ဒခံယူပွဲတရပ် ကျင်းပမည်ဟု ကြေညာခဲ့ပြီးသည့်နောက်တွင် စစ်အစိုးရက ရွေးချယ်စရာ သိပ်မရှိလှသည့် ကျမ်းရိုးပုံစံ နည်းဟောင်းတခုကို မြန်မာပြည်သူများနှင့် ကမ္ဘာသို့ ချပြခဲ့ပါသည်။

တင်ပြခဲ့သည့်အပေါ်တွင် ရုတ်တရက်ကြည့်လျှင် ရွေးချယ်ရန် ကိစ္စမှာ လွယ်ကူရိုးရှင်းလှပါသည်။ ဖွဲ့စည်းအုပ်ချုပ်ပုံ အခြေခံ ဥပဒေသစ်ကို "ထောက်ခံ" မည်လား၊ "ကန့်ကွက်" မည်လား ဟူ၍ ရွေးချယ်ရန်ပင် ဖြစ်ပါသည်။ သို့သော်လည်း အမှန် တကယ် ရွေးချယ်ရမည့် ကိစ္စမှာ ဤသို့ ရှင်းရှင်းလင်းလင်း မရှိလှပါ။ ပြောရလျှင် မြန်မာစစ်ဗိုလ်ချုပ်များက မောပန်းနွမ်းနယ် နေကြပြီ ဖြစ်သည့် မြန်မာပြည်သူများကို အောက်ဖော်ပြပါ အခြေအနေ ၂-ခု အနက်မှ တခုရွေးချယ်ရန် စေခိုင်းလိုက်ခြင်းပင် ဖြစ်သည်။

အကယ်၍ "ထောက်ခံမဲ" ပေးခဲ့လျှင် စစ်တပ်အုပ်ချုပ်ရေး နှင့် ရာသက်ပန် စခန်းသွားရဖွယ်ရှိနေပြီး၊ စစ်တပ်မဟုတ်သည့်ူ နိုင်ငံသားအချို့အတွက် အာမခံချက် မခိုင်မာ လှသည့် ပါဝင်ဆောင်ရွက်ခွင့် တစုံတရာ ရကောင်းရလာနိုင်ပါသည်။

အကယ်၍ "ကန့်ကွက်မဲ" ပေးခဲ့လျှင် စစ်အုပ်ချုပ်ရေးကို အကန့်အသတ်မရှိ ဆက်လက်ထိန်းချုပ်သွားဖွယ် ရှိပြီး၊ စစ်တပ်ကို နောက်ဆုံးဖြိုချနိုင်ရန်အတွက် အတိုက်အခံအဖွဲ့ အစည်းများ အားကောင်းလာမည့် တနေ့နေ့ တချိန်ချိန်ကိုသာ မျှော်တ လင့်လင့် စောင့်နေရဖွယ် ရှိပါသည်။

သေချာစိစစ်ကြည့်လျှင် ရွေးချယ်ပေးရမည့် ဤအခြေအနေ ၂-ရပ်က မတူညီနေပါသလော။ တူညီနေပါသည်။ အမှန်တွင် စစ်အစိုးရက ရွေးချယ်ပေးရမည့် အခြေအနေ ၂-ရပ်ကို လှည့်စားဖန်တီး ပေးခဲ့ခြင်းသာ ဖြစ်သည်။ ဤကိစ္စသည် ရွေးချယ်ရန် အခြေအနေပေးခြင်း လုံးဝမဟုတ်ကြောင်း၊ ထင်ယောင်ထင်မှား အခြေအနေတရပ်ကို ဖန်တီးပေးလိုက်ခြင်းသာ ဖြစ်ကြောင်း ထိုသူများက ရယ်သွမ်းသွေး၍ ၀န်ခံ ဖော်ပြကြမည် ဖြစ်ပါသည်။

နာမည်ကြီး အချိုရည် ၂-ခု ဖြစ်သည့် ကုက်နှင့် ပက်ပ်စီ ဥပမာကို ကြည့်ပါ။ တခုခုကို ရွေးချယ်၍ ကျေနပ်သွားကြရသည့်ပုံ မှာ အခြားအခြေအနေတရပ် ရွေးစရာ ရှိနေသောကြောင့်သာ ဖြစ်ပါသည်။ တခုကို မရွေးလျှင်လည်း ကျန်တခုသာ ရွေးဖို့ အကြောင်း ရှိနေပါသည်။ မည်သည့်ကိစ္စကို ရွေးရွေး သင့်အတွက် ထူး၍ မကောင်းလှပါ။

အကယ်၍ ပြည်သူ့ဆန္ဒခံယူပွဲတွင် "ထောက်ခံ" အတည်ပြုလိုက်ပြီ ဆိုပါစို့။ အောက်ဖော်ပြပါ အခြေအနေများ ဖြစ်လာမည် ဟု တွက်ဆထားနိုင်ပါသည်။

* စစ်တပ်က နိုင်ငံရေးတွင် ဦးဆောင်မှုအခန်းကဏ္ဍ ရနေမည်။ ရေးထားသည့် ဖွဲ့စည်းပုံအခြေခံဥပဒေ မူကြမ်းအရ တပ်မတော်ကာကွယ်ရေးဦးစီးချုပ်က အမတ်နေရာ ၄၄၀ ရှိမည့် ပြည်သူ့လွှတ်တော်တွင် ကိုယ်စားလှယ် ၁၁၀ ကို စစ်တပ်မှ အရာရှိများဖြင့် ခန့်အပ်ခွင့် ရှိမည်ဖြစ်သည်။ ထိုမျှမက ကာကွယ်ရေးဦးစီးချုပ်က ဒု-သမတ ၂ ဦးနှင့် တူညီသည့် အဆင့်နေရာမျိုး ရဦးမည် ဖြစ်သည်။ စစ်တပ်က အချိန်မရွေး ထ၍ ကြေညာနိုင်မည့် "နိုင်ငံတော် အရေးပေါ် အခြေအနေ" မျိုးတွင် ကာကွယ်ရေးဦးစီးချုပ်ဆိုသူက ဥပဒေပြုရေး၊ အုပ်ချုပ်ရေး၊ တရားစီရင်ရေး အာဏာ ၃ ရပ်လုံးကိုလည်း ချုပ်ကိုင်ခွင့် ရှိလိမ့်မည် ဖြစ်သည်။

* တိုင်းရင်းသား အဖွဲ့အစည်းများအတွက် အခန်းကဏ္ဍမှာလည်း များစွာ အကန့်အသတ် ရှိပါသည်။ ၂၀၁၀ ခုနှစ် တွင် ကျင်းပမည်ဟု ကြေညာထားသည့် ရွေးကောက်ပွဲတွင် ယခု စစ်အစိုးရနှင့် အပစ်အခတ်ရပ်စဲရေးပြုထား သည့် တိုင်းရင်းသားအဖွဲ့ (၁၇) ခုတို့က ပါဝင်ယှဉ်ပြိုင်လိုသည် ဆိုပါက သူတို့ကိုင်ဆောင်ထားသည့် လက်နက် များကို အပြီးပိုင် စွန့်ကြရလိမ့်မည်ဖြစ်ပါသည်။ ဤဖွဲ့စည်းပုံအတည်ဖြစ်လာသည်နှင့် ၎င်းအဖွဲ့များ၏ အပစ်အခတ် ရပ်စဲရေးသည်လည်း နိဂုံးချုပ်သွားဖွယ် အနေအထား ရှိနေပါသည်။

* အတိုက်အခံ အဖွဲ့များအတွက်ဆိုလျှင် ပို၍ပင် ကန့်သတ်ချက် ကြီးနေပါသေးသည်။ တိုင်းရင်းသား စည်းလုံးညီ ညွတ်ရေးကို ပျက်စီးစေမည်ဟု ယူဆသည့် လုပ်ဆောင်မှုများအားလုံးကိုလည်း တင်းကျပ်စွာ ကန့်သတ်ချက်များ ချမှတ်ထားပါသည်။ လွှတ်တော်အတွင်း အတိုက်အခံနိုင်ငံရေးပါတီအဖြစ် ပုံမှန် လှုပ်ရှားမှုများကို ဆောင်ရွက်ကြ မည့် သူများလည်း ဤကန့်သတ်မှုတွင် အကျုံးဝင်ပါသည်။ အရပ်သားများက လွှတ်တော်တွင်းတွင် အရွေးချယ်ခံ ပိုင်ခွင့် ရှိကြမည် ဖြစ်သော်လည်း သူတို့ကို ပေးထားသည့် နေရာကို သိမှသာ ဤအခွင့်အရေးမျိုး ရကြမည်ဖြစ်ပါ သည်။

* ဒေါ်အောင်ဆန်းစုကြည်၏ အခန်းကဏ္ဍကို လုံးဝထည့်သွင်းစဉ်းစားထားခြင်း မရှိပါ။ အမျိုးသားဒီမိုကရေစီ အဖွဲ့ ချုပ်၏ လူထုထောက်ခံမှု အရဆုံး ခေါင်းဆောင်ကို အနာဂတ်ဦးဆောင်မှု အခန်းကဏ္ဍတွင် ပါဝင်နိုင်ခွင့်ကို ပြောင် ငြင်းပယ်ထားပါသည်။

"နိုင်ငံတော် သမတသည် သမတအဖြစ် ရွေးချယ်တင်မြှောက်ခံရသည့် အချိန်နှင့် တဆက်တည်း အနည်းဆုံး အနှစ် (၂၀) နိုင်ငံတော်တွင် အခြေချနေထိုင်ခဲ့သူ ဖြစ်ရမည်။ နိုင်ငံတော် သမတသည် မိမိကိုယ်တိုင်သော်လည်းကောင်း၊ မိမိ၏ မိဘ တပါးပါးသော်လည်းကောင်း၊ မိမိ၏ ဇနီး သို့မဟုတ် ခင်ပွန်းသော်လည်းကောင်း၊ မိမိ၏ တရားဝင် သားသမီးတဦးဦးသော် လည်းကောင်း၊ ထိုတရားဝင် သားသမီးတဦးဦး၏ ဇနီး သို့မဟုတ် ခင်ပွန်းသော်လည်းကောင်း နိုင်ငံခြား အစိုးရ၏ ကျေးဇူး သစ္စာတော်ကို ခံယူစောင့်ရှောက်ရိုသေသူ၊ သို့မဟုတ် နိုင်ငံခြားအစိုးရ၏ လက်အောက်ခံ ဖြစ်သူ၊ သို့မဟုတ် တိုင်းတပါး၏ နိုင်ငံသားဖြစ်သူများ မဖြစ်စေရ။ ထိုသူများသည် နိုင်ငံခြား အစိုးရ၏ လက်အောက်ခံ ဖြစ်သူသော်လည်းကောင်း၊ တိုင်းတပါး ၏ နိုင်ငံသားသော်လည်းကောင်း၊ ခံစားရသော အခွင့်အရေးများနှင့် ကျေးဇူးခံစားခွင့်များကို ခံစားနိုင်ခွင့် ရှိသူများ မဖြစ်စေ ရ" ဟု ဖော်ပြထားပါသည်။

ကွယ်လွန်သူ ဗြိတိသျှလူမျိုး ပညာရှင် မိုက်ကယ်အဲရစ်၏ ဇနီးဖြစ်ခဲ့သူ၊ မြန်မာနိုင်ငံသား မဟုတ်သူ သား ၂ ဦး၏ မိခင်ဖြစ်သူ ဒေါ်အောင်ဆန်းစုကြည်အတွက် ဤဖွဲ့စည်းအုပ်ချုပ်ပုံ အခြေခံဥပဒေအရ ဆိုလျှင် မြန်မာနိုင်ငံကို ဦးဆောင်ခွင့် မရှိပါ။ အလားတူပင် ဤအပိုဒ်က မြန်မာပြည် ပြင်ပတွင် လှုပ်ရှားနေကြသည့် အတိုက်အခံအများစုအတွက်လည်း တားမြစ်ထား ပြန်ပါသည်။ သူတို့အများစုမှာ ၁၉၈၈ ခုနှစ်ကစ၍ မြန်မာပြည် ပြင်ပတွင်နေထိုင်၍ နိုင်ငံရေးလှုပ်ရှားနေခဲ့ကြသူများ ဖြစ်ပါ သည်။

အကယ်၍ ဖွဲ့စည်းအုပ်ချုပ်ပုံ အခြေခံအတိုင်း စစ်အစိုးရက ရှေ့ဆက်နိုင်ပြီ ဆိုပါက၊ ဒေါ်အောင်ဆန်းစုကြည်ကလည်း နှုတ်ကို စောင့်စည်းနိုင်မည်ဆိုပါက၊ ကံကောင်းထောက်မလျှင် နိုင်ငံရေး အကျဉ်းသားများကို ချွင်းချက်နှင့် လွတ်ငြိမ်း ချမ်းသာခွင့် ပေးသည့် အခါမျိုးတွင် သူ ပြန်လွတ်လာနိုင်ပါသည်။ ဒေါ်အောင်ဆန်းစုကြည်နှင့် စစ်အစိုးရအကြား တွေ့ဆုံ ဆွေးနွေးကြရန် နိုင်ငံတကာက တိုက်တွန်းပြောဆိုနေမှုများသည်လည်း ဤအခြေအနေအရဆိုလျှင် အငြင်းပွားဖွယ် ဖြစ်လာပါတော့မည်။ ဤသို့ နောက်နောင် နိုင်ငံတကာအသိုင်းအ၀ိုင်းက တောင်းဆိုလာလျှင်လည်း တုံ့ပြန်ဖြေရှင်းနေစရာ လိုတော့မည် မဟုတ်ပါ။ အင်အားစု ပေါင်းစုံပါသည့် နိုင်ငံရေးတွေ့ဆုံဆွေးနွေးမှုများ ဆိုသည်ကိုလည်း မေ့ထား၍ ရပါပြီ။

* ဖွဲ့စည်းအုပ်ချုပ်ပုံ အခြေခံဥပဒေကလည်း ရေးသားသူ စစ်အစိုးရကဲ့သို့ပင် ပြောင်းလွယ် ပြင်လွယ် မရှိလှပါ။ ဖွဲ့စည်းပုံသာ အတည်ဖြစ်ခဲ့ပါက တစုံတဦးက တစုံတရာ ပြုပြင်ပြောင်းလဲရေးသားလိုသော် "ဖွဲ့စည်းပုံ အခြေခံ ဥပဒေ ပြင်ဆင်ခြင်း" အခန်း၏ အပိုဒ် ၄ (က) တွင်၊ ဤသို့ ဆောင်ရွက်နိုင်ခြေကို လုံးဝမဖြစ်နိုင်အောင် ပိတ်ပင် ထားပါသည်။ ဒီမိုကရေစီ လိုလားသည့် အတိုက်အခံပါတီဖြစ်သော အမျိုးသားဒီမိုကရေစီ အဖွဲ့ချုပ် (NLD) ကဲ့သို့ သော ပါတီမျိုးက စစ်တပ်ကခန့်အပ်ထားသူများ မဟုတ်သည့် လွှတ်တော်ကိုယ်စားလှယ် နေရာ အကုန်လုံးကို ရွေးချယ်ခံရ၍ ကိုယ်စားလှယ် အပြည့် ရရှိလျှင်သော်မှ၊ ဤသို့ ပြင်ဆင်မှုမျိုး လုပ်ရန် မဖြစ်နိုင်ပါ။ ဤအပိုဒ်၏ ဖော်ပြချက်အရဆိုလျှင် လွှတ်တော်ကိုယ်စားလှယ်များ အားလုံး၏ ၇၅% က အတည်ပြုရန် လိုအပ်ပါသည်။

အကယ်၍ ပြည်သူများက "ကန့်ကွက်မဲ" ပေး၍ ပယ်ချခဲ့ပါက မြန်မာနိုင်ငံ အခြေအနေက အောက်ပါအတိုင်း ဖြစ်လာနိုင်ပါ သည်။

* ဤဖွဲ့စည်းပုံ အခြေခံဥပဒေက နိဂုံးချုပ်သွားလိမ့်မည် မဟုတ်ပါ။ ယခုတကြိမ် သူတို့ရှုံးပါက၊ စစ်ဗိုလ်ချုပ်များက နောက်ထပ် အကြိကြိမ် ကြိုးပမ်းကြလိမ့်မည် ဖြစ်သည်။ နောက်ဆုံး သူတို့အလိုကျဖြစ်လာသည်အထိ နောက် ထပ်၊ နောက်ထပ် ပြည်သူ့ ဆန္ဒခံယူပွဲများကိုသာ မျှော်လင့်ထားရန် ရှိနေပါသည်။ ဖွဲ့စည်းပုံ အခြေခံဥပဒေကို အနည်းငယ် မွမ်းမံမှု လုပ်ပါလိမ့်မည်။ မြန်မာ့နိုင်ငံရေး၏ တဖက်ကို တဖက် အပြုတ်ရှင်း စစ်ပွဲတွင် ဤဖွဲ့စည်းပုံ အခြေခံဥပဒေ လောက် ကောင်းသည့်လက်နက် မရှိပါ။ ၎င်းကို ပို၍ ထက်မြက်အောင် မွမ်းမံလိမ့်ဦးမည် ဖြစ်သည်။

* စစ်အစိုးရကလည်း ထွက်သွားလိမ့်မည် မဟုတ်ပါ။ အာဏာကို အနှစ် ၂၀ ကြာ ထိန်းချုပ်လာပြီးသည့်နောက်၊ စစ်အစိုးရအဖို့ နောက်ထပ် မျိုးဆက်တဆက်၊ နှစ်ဆက်စာ ဆက်လက်၍ ဖက်တွယ် မထားရန် အကြောင်း မရှိပါ။

* နိုင်ငံတကာ အသိုင်းအ၀ိုင်းက ဤသို့ဖြစ်ပေါ်နေမှုများအားလုံးကို အဆုံးသတ်စေလိုလှပါပြီ။ သို့သော်လည်း ကုလ သမဂ္ဂနှင့် အနောက်တိုင်းနိုင်ငံ အချို့က မြန်မာနိုင်ငံတွင် အပြောင်းအလဲများ ဖြစ်ပေါ်လာစေရေးအတွက် သူတို့၏ သံတမန်ရေး ဆောင်ရွက်နိုင်စွမ်း ရှိသမျှကို အသုံးချခဲ့ကြပြီ ဖြစ်သည်။ စစ်အစိုးရအပေါ် ဖိအားများ ပိုပေးလာဖွယ် လည်း မျှော်လင့်ထားရန် ရှိပါသည်။ သူတို့အပေါ် ချထားခဲ့ကြသည့် ပြစ်ဒဏ်ခတ်ပိတ်ဆို့မှုများနှင့် ပြင်းထန်သည့် ပြစ်တင်ဝေဖန်သံ စကားများကိုလည်း စစ်အစိုးရက ခံနိုင်ရည် ရှိနေပြီ ဖြစ်ပါသည်။

* ပို၍ ပို၍ ဆန္ဒပြပွဲများနှင့် နိုင်ငံရေးအကျဉ်းသားများလည်း တိုးလာဖွယ် ရှိပါသည်။ လူအများ၏ စိတ်ပျက်ဒေါသ ကြောင့် နောက်တကြိမ်ထိပ်တိုက်တွေ့ရဖွယ်လည်း ရှိပါသည်။ စစ်အစိုးရကလည်း တုံ့ပြန်ပြုမှုနေကြအတိုင်း ဆန္ဒ ပြသူများအပေါ် ခပ်ကြမ်းကြမ်း ဖိနှိပ်ဖွယ်ရှိနေပါသေးသည်။ "ပြဿနာရှာသူ" များကိုလည်း နှစ်ရှည်လများ ထောင်သွင်း အကျဉ်းချထားရပါဦးမည်။

လာမည့် ပြည်သူ့ဆန္ဒခံယူပွဲတွင် မည်သို့သောရလဒ်ထွက်ပေါ်လာသည် ဖြစ်စေ၊ နောက်ပိုင်းတွင် စိတ်အလိုမကျဖွယ် အခြေ အနေများသာ ကြုံတွေ့ခံစားရဖွယ် ရှိနေသည်။ မြန်မာလူထုများက အလိုရှိနေကြသည်မှာ "ဆင်းရဲမွဲတေမှုနှင့် အကြမ်းဖက်မှု သံသရာကပ်ဆိုးများမှ လွတ်လပ်ခွင့်" ပင် ဖြစ်ပါသည်။ ဤကပ်ဒုက္ခများကြုံတွေ့ နေခဲ့ရသည့် စစ်အစိုးရ၏ လွဲမှားသည့် အုပ်ချုပ်ရေးသက်တမ်းမှာ ၄၅ နှစ်တာ တိုင်လာခဲ့ပြီ ဖြစ်ပါသည်။ သူတို့၏ အလိုဆန္ဒ အာသီသကို ဒီမိုကရေစီ ကျောက်စက် ရည်ဖြင့်သာ ကျေနပ်စေပါလိမ့်မည်။

The Irrawaddy