ပင်လယ်ရှာတွေ့သွားသော သံလွင်

25-04-2008

(က)

ထိုစဉ်က .... စောဘအေးသည် KNLAတပ်ရင်း (၂၀) တွင် ဗိုလ်ကြီးအဆင့်နှင့်ဖြစ်ပြီး မဲလထ အကောက်ဂိတ်တွင် ဂိတ်မှူးအဖြစ် တာဝန်ယူလျက် ရှိသည်။

ကျနော်နှင့် `စ´တွေ့သည့် အချိန်၌ သူ့အသက်သည် လေးဆယ်စွန်းရုံမျှ ရှိပြီ....။ အသားဖြူဖြူ တောင့်တောင့်ခိုင်ခိုင် ခန္ဒာကိုယ်နှင့် ဖြစ်သည်။ သထုံတွင် ကြီးခဲ့သည် ဖြစ်၍ မြန်မာစကားအား ရေရေလည်လည် ပြောနိုင်သည်။

သူ့အိမ်က သံလွင်မြစ်အား မျက်နှာမူထား၏။ အိမ်ဟု ဆိုသော်လည်း ဈေးဆိုင်နှင့် တွဲ၍ထားခြင်းမျိုး ဖြစ်သည်။ ဈေးဆိုင်က အ၀တ်အထည်၊ ဖိနပ်၊ ထီး၊ မိုးကာ၊ ဆေးလိပ်၊ ကွမ်းပေါင်၊ ကွမ်းသီး....စသည့် ထိုင်းနှင့်မြန်မာ ကုန်ပစ္စည်းအမျိုးစုံ ရောင်းသည့်ဆိုင် ဖြစ်သည်။ ငွေလည်း လဲသည်။

သူနှင့်တွေ့တော့ .... သူ့ အိမ်ဆိုင်အား အသစ်ပြန်၍ ဆောက်ပြီးကာစ ဖြစ်သည်။ အချို့ အခင်းများသည်ပင် အပြည့်အစုံ မခင်းရသေး။ သူ၏ အရင်အိမ်ဆိုင်လေးသည်လည်း မဲလထ စစ်တလင်းတွင် စစ်အုပ်စု ဗုံးဒဏ်အောက်၌ မီးလောင်ခဲ့ရသည်။

ဗိုလ်အောင်နိုင်က ကျနော်တို့အား ဗိုလ်ကြီးဘအေးနှင့် မိတ်ဆက်ပေး၏။ မာနယ်ပလောသို့ သွားရန်အတွက် ဗိုလ်ကြီးဘအေးမှ ဆက်၍ စီစဉ်ပေးမည် ဖြစ်သည်။

ဗိုလ်ကြီးဘအေးက မာနယ်ပလောသို့ ကြိုးမဲ့ကြေးနန်းနှင့် ဆက်သွယ်၍ ပေးမည်။ မာနယ်ပလောမှ အကြောင်း ပြန်ကြားလာသည်အထိ ကျနော်တို့ မဲလထမှ စောင့်ရမည်။ တစ်ရက်နှစ်ရက် ကြာကောင်းကြာလိမ့်မည်။

ကျနော်တို့ မဲလထတွင် နေထိုင်ရေးအတွက် ဒု-အရာခံဗိုလ် ကျော်သန်းအား ဗိုလ်ကြီးဘအေးမှ တာဝန်ပေးသည်။ ဒုအရာခံဗိုလ် ကျော်သန်းသည်လည်း KNLA တပ်ရင်း (၂၀) မှပင် ဖြစ်သည်။

ထိုစဉ်က .... ဒုအရာခံဗိုလ် ကျော်သန်းသည် မဲညောခီး စစ်မျက်နှာ၌ တာဝန်ကျသည့် တပ်ရင်း (၂၀)မှ တပ်ဖွဲ့များအတွက် ရိက္ခာထောက်ပို့ရေး တာဝန်အား မဲလထတွင် ထိုင်၍ ဆောင်ရွက်နေသည်။

ဗိုလ်ကြီးဘအေးနှင့် ဒုအရာခံဗိုလ် ကျော်သန်းတို့ နှစ်ယောက်စလုံး ယခုအခါ ၌ KNU တွင် မရှိတော့ ....။ ၁၉၉၅ ခုနှစ် မြစ်ဆုံအရေး၌ မြိုင်ကြီးငူနှင့်ပေါင်းပြီး DKBA ဖွဲ့စည်းရာတွင် သူတို့ ပါဝင်ခဲ့ကြ၏။ ဗိုလ်ကြီးဘအေးက DKBA အတွင်း၌ပင် ကွယ်လွန်ခဲ့ပြီး ကျော်သန်းက DKBA တွင် စစ်ဦးစီးချုပ် ဟူ၍ ဖြစ်နေသည်။

ကျနော်တို့ ဗိုလ်ကြီးဘအေး၏ အိမ်ပေါ်မှ ပြန်ထွက်ခဲ့ကြ၏။ နေလုံးကြီးက မယ်ညောခီး တောင်တန်းများ အကြား ထိုးဆင်း၍ သွားလေပြီ။

မဲလထ၏ ညနေခင်းသည် ခြောက်သွေ့၍ နေ၏။ လေပွေမွှေ့သဖြင့် ပြာမှုန်များ လိပ့်၍ လိပ့်၍ ၀ဲကတော့သဏ္ဍာန် လွှင့်ပျံတတ်သွားသည်။ ပြီးလျှင် .... ပြာမှုန်များက ပြန့်ကျဲ၍ ကျလာကြပြန်၏။
(ခ)

ဒုအရာခံ ဗိုလ်ကျော်သန်း၏ တဲက ဆန်အိပ်များ၊ ငပိပုံးများနှင့် ပြည့်ကျပ်၍ နေသည်။ မဲလထဈေးတန်း၌ ဗုံးဒဏ်ကြောင့် မပျက်စီးပဲ ကျန်ခဲ့သည့် တစ်လုံးတည်းသော တဲဖြစ်သည်။ တဲက မဲလထချောင်းနှင့် သံလွင်မြစ်ဆုံရာ ကြက်လျှာစွန်း၌ ဆောက်ထား၏။ တဲပေါ်မှ ကြည့်လျှင် သံလွင်အား မြင်ရ၏။ တဲ၏နောက်ဖက် ရေကပြင်သည် မဲလထချောင်း ကမ်းပါးနှင့် ထိကပ်လျက် ရှိသည်။ ချောင်း၏ တစ်ဖက်ကမ်းပါးက ကျောက်တောင်....။ ကျောက်တောင်က ပျဉ်းပြားတစ်ချပ်အား ထောင်ထားသကဲ့သို့ မတ်မတ်.....။ ဤသဘာဝ အကာအရံကြောင့်ပင် ကျော်သန်း၏ တဲသည် လေယာဉ်ဗုံးဒဏ်မှ လွတ်ခဲ့ခြင်း ဖြစ်မည်။ တဲ၏၀န်ကျင်း၌ သံပရာ၊ မာလကာ၊ ပိန္နဲ၊ သရက်၊ သဘောင်္၊ ပင်ပျိုတို့ စိုက်ထား၏။ ဥယျာဉ်ခြံငယ်လေး တခုကဲ့သို့ ဖြစ်နေသည်။

ချောင်းငယ်အတွင်း၌ ခရုဖင်ချွန်များကောက်လျှင် ရမည်။

ယက်သဲ့နှင့် ငါးနုတ်လေးများအား သဲ့၍ ရနိုင်မည်။ သို့သော် .... ကျနော်တို့ ချောင်းအတွင်းသို့ ဆင်း၍ မရှာစားရဲ ....။ မဲလထအား ဗုံးကျဲစဉ်က စစ်အုပ်စု၏ လေယာဉ်များသည် မဲလထချောင်းအား ခွ၍ ဗုံးကျဲခဲ့ကြ၏။ အချို့ ဗုံးသီးများက မပေါက်ကွဲပဲ ချောင်းအတွင်း၌ ရှိနေကြသေး၏။ မိုးမကျသေး၍ မျှစ်လည်းချိုး၍ မရသေး.....။ ဤတွင် ကျနော်တို့၏ နေ့စဉ်ဟင်းလျာက .... ငပိနှင့် သဘောင်္သီးပြုတ် ....။ ငပိအား အမျိုးမျိုး လုပ်စားကြ၏။ မီးဖုတ်၍ ထောင်းသည်။ အရည်ကြို၍ ချက်သည်။ ငရုတ်သီးက မရှိ ....။ စပ်ရန် ` ပဒဲကော´ များအား ထောင်း၍ ငပိရည်တွင် ထည့်ဖျော် စားရသည်။ `ပဒဲကော´ က ငရုတ်သီးကဲ့သို့ စပ်ခြင်းမဟုတ် ...။ ပူ၏။ ဘာဘဲဖြစ်ဖြစ် ထမင်းတော့ မြိန်သည်သာ ....။

ကျော်သန်းသည် မနက်စောစော ထလေ့ရှိ၏။ သူနိုးသည်နှင့် ရေနွေးအိုး ကြိုသည်။ ရေနွေးအား လေးထောင့် သံစည်ပုံးနှင့် ကြိုခြင်းဖြစ်သည်။ `ခပ်´စရာ လက်ဖက်ခြောက်ကမရှိ။ `လောက်သေ´ရွက်များအား အခြောက်လှန်း၍ `ခပ်´သည်။ `လောက်သေရွက်´ ရေနွေးကြမ်းက အရောင်မှာမူ နီညိုညို..... လက်ဖက်ခြောက် အရောင်ပင် ....။ အနံ့ကမူ ....စိမ်းရွှေရွှေအနံ့ နည်းနည်းရ၏။ ကျနော်တို့အားလုံး ရေစိမ်းမသောက်ကြ ။ လောက်သေရွက် ရေနွေးကြမ်းကိုသာ သောက်ကြ၏။

ဆေးပေါ့လိပ်က ဗိုလ်ကြီးဘအေး၏ ဈေးဆိုင်တွင် ရောင်းသော်လည်း ကျနော်တို့ ၀ယ်မသောက်နိုင်....။ ကျနော်တို့ ဆေးလိပ် သောက်တတ်မှန်းသိ၍ ကျော်သန်းသည် ဓါးလှီးဆေးနှင့် ဘန့်ဘွေးရွက်များရှာ၍ ယူလာပေး၏။ သူကမူ ဆေးလိပ်မသောက် ....။ ဘန့်ဘွေးရွက်နှင့် `ပွတ်ချွန်း´ လိပ်ရသည်မှာ မလွယ် ...။ လိပ်ရင်းနှင့်ပင် ပြေပြေ၍သွား၏။

ကျနော်တို့ မဲလထတွင် ရောက်နေသည်မှာ တပါတ်ခန့် ရှိပြီ။ မာနယ်ပလောမှ ကြေးနန်းက ပြန်မလာသေး....။ စောင့်ရမည်သာ ....။ ဖတ်စရာ စာအုပ်က မရှိ....။ အချိန်သည် ကြာမြင့်လှသည်ဟု ထင်မိ၏။ ညနေ ... နေချိုလျှင် ကျနော်တို့ သံလွင်သို့ ဆင်းကြ၏။ တန်ခူး၊ကဆုန်လများဖြစ်၍ သံလွင်မြစ်ရေသည် မြစ်လယ် ရေစီးကြောင်းအတွင်း၌သာ ရှိ၏။ ကမ်းပါးနှင့်ရေစပ်သည် ဘောလုံးကွင်း တစ်ကွင်းစာမျှ အလှမ်းကွာ၏။ သဲသောင်ပေါ်၌ ကျောက်တုံး ကျောက်ဆိုင်များသည် ထိုးထိုးထောင်ထောင် ....။အချို့ ကျောက်တုံးများက လူတရပ် ကျော်သည်အထိ မြင့်၏။ မိုးမခပင်များက ကျောက်ဆိုင်များနှင့်ကပ်၍ ပေါက်နေကြသည်။ ကျောက်တုံး၊ ကျောက်ဆိုင်များက မြစ်ရေလျှံသည့် အချိန်၌ ရေအောက်တွင် မြုပ်နေကြသည်ဖြစ်၍ ရေညှိများနှင့် မဲလျက် ရှိသည်။ အဝေးမှကြည့်လျှင် ကမ်းပါးနှင့် မြစ်ရေစပ်အကြား သဲသောင်ပြင်သည် ဖြူလွှသော အောက်ခံ၌ အမဲစက်များ ဆေးစက်တို့ထားသည်နှယ် ......။

နေလုံးသည် မဲညောခီး တောင်တန်းများအကြား ငုတ်ဆင်း၍ သွားပြီဖြစ်သော်လည်း အလင်းရောင်က သံလွင်မြစ်ပြင်ပေါ်ဝယ် ဖြန့်ကျက် လွှမ်းမိုးထားဆဲ ဖြစ်၏။ သံလွင်က ဒေါသကြီး၏။ မြစ်ပြင်အတွင်း ထိုးထွက်နေသော ကျောက်ဆောင်များအား အဟုန်နှင့် ပြေးဆောင့်၏။ ဖွာလွင့်သွားသော်လည်း အိနြေ္ဒမပျက် ဆက်၍ စီးဆင်းသွားမြဲ....။ ၀ဲကတော့ကြီးများဖြစ်၍ လှည့်ပတ်ရင်းနှင့်လည်း စီးဆင်း၏။ မြစ်ရေက မကြည်မြ....။ ညိုညစ်ညစ်....။

ကျနော်တို့ ညနေတိုင်း ..... သဲသောင်တွင် ထိုင်၍ သံလွင်အားကြည့်ကြ၏။ ကျနော်တို့အရှေ့မှ ဖြတ်စီးသွားသော မြစ်ရေသည် ခဏငယ်အတွင်း `ဘောသရော´သို့ ရောက်မည်။ ခဏငယ်ပေါင်းများစွာတွင် `ကမမောင်း´သို့ ဆိုက်မည်။ မြိုင်ကြီးငူအားကျော်မည်။ ပြီးလျှင် .... မော်လမြိုင်အားလွန်၍ ပင်လယ်သို့ ၀င်မည်။

သံလွင်က ....အဆုံး၌ ပင်လယ်အား ရှာတွေ့သွားမည်ပင် .....။
(ရွှေအိမ်စည်)