တချက်လေးသာ ညီညွတ်ပါ

19-07-2008

ရန်ကုန်မြို့၊ ဗိုလ်အောင်ကျော်လမ်းရှိ အုဌ်ရိုးနီနီ ထုထည်ကြီးကြီး ထည်ဝါပြီးခန့်ငြားတဲ့ အတွင်းဝန် ရုံးကြီးဟာ ၁၉၄၇-ခုနှစ် ဇူလိုင်လရဲ့ မိုးဖွဲဖွဲအောက်ဝယ် အထင်းသား..။ ရုံးချိန်အတွင်းဖြစ်လေတော့ သက်ဝင်လှုပ်ရှားလျှက်..။ အထူးသဖြင့်တော့ လွတ်လပ်ရေး..၊ ဟုတ်တယ်.. ဗမာပြည်လွတ်လပ် ရေးအတွက် သူတို့တတွေ တိုင်ပင်ညှိနှိုင်းနေကြ.. ဆွေးနွေးနေကြတာဖြစ်လို့ သူတို့နှလုံးသားများ သည် ပိုမို လှုပ်ရှားလျှက်ရှိမည်မှာ ဧကန်ပင်..။ မကြာတော့တဲ့ အနာဂတ်တွင်…

အတွင်းဝန်ရုံးထဲက ဂငယ်ပုံ စားပွဲကြီးထိပ်မှာတော့ ဘန်ကောက်လုံချည်၊ ပိုးသားပျော့ ရင်ဖုံး၊ ပန်းနုရောင် ခေါင်းပေါင်းနဲ့
ထိုင်နေသူတစ်ယောက်..။ သူကား အခြားမဟုတ်..၊ စကားကို တစ်တစ်ခွခွ.. အားရပါးရပြောတတ်တဲ့ဗိုလ်ချုပ်အောင်ဆန်း
-လို့ ပြည်သူတွေ သိထားကြတဲ့ သခင် အောင်ဆန်း..။

လက်ဝဲဘက်မှာတော့ သခင်မြ..၊ ဦးဘ၀င်း.. စတဲ့ ၀န်ကြီးတွေ..။ လက်ယာဘက်မှာတော့ ၀န်ကြီး ဦးဘဂျမ်း..၊ ပျော်ဘွယ် ဦးမြ စသူတို့က ထိုင်လျှက်..။ အချို့ကား တိုင်းပြည်အတွက် တာဝန်နဲ့ ခရီးထွက်နေကြရတဲ့အတွက် ရုံးမတက်ရောက်နိုင်..။ သို့တစေ တိုင်းပြည် လွတ်လပ်ရေး.. ဆိုတဲ့ ခေါင်းစီးအောက်မှာ တစိတ်ထဲရှိကြသဖြင့် အကြောင်းမဟုတ်..။ ဒါ့ကြောင့် လုပ်စရာကိစ္စ တွေကို ဆက်လက်လုပ်ကိုင်ကြသည်..။

အစည်းအဝေးတွင် အတွင်းဝန် ဦးအုန်းမောင်ကား ဌာနတွင်းအစီရင်ခံစာကို ဖတ်ပြ တင် သွင်းနေသည်..။ အချိန်ကား ၁၀း ၃၅ မိနစ်ခန့်..။ မထင်မှတ်ပဲ အစည်းအဝေးခန်းမထဲသို့ စစ်သား လေးယောက် လက်နက်ကိုယ်စီနဲ့ စားပွဲထိပ်တွင် ထိုင်နေသည့် ဗိုလ်ချုပ်ဆီဦးတည်ဝင်လာသည်..။ အမှန်မှာ အစည်းအဝေးခန်းမတွင်းသို့ မည်သူမှ လက်နက်ကိုင်ဆောင်ခွင့်မရှိ..။

ထို့ကြောင့် ဗိုလ်ချုပ် အောင်ဆန်း-က ထ၍တားမည်အပြု..။ စကားသံပင် မသဲကွဲလိုက်..။ “ပစ်” ဆိုတဲ့ အမိန့်နဲ့အတူ..။ ရုံးခန်းတခုလုံး ရုတ်သဲသဲဖြစ်ကာ.. ယမ်းငွေ့.. ယမ်းနံ့.. သွေးညှီနဲ့တို့ ဖြင့် လွှမ်းမိုးသွားလေတော့သည်..။ ဗိုလ်ချုပ်ကား ထိုင်နေသော ခုံမှ ကျသွားသည်..။ ဗိုလ်ချုပ် ထိုင်သည့် ထိုင်ခုံမှ ကဒေါင်းလည်း ကျည်ထိသဖြင့် ပဲ့ထွက်သွားသည်..။ အားလုံး သွေးအိုင်ထဲတွင် မြင်မကောင်းရှုမသာ..။ လုံခြုံရေးတာဝန်ကျ ရဲဘော်ကိုထွေး-လဲ သေနတ်သံကြားသဖြင့် ပြေးတက် လာရာ.. လမ်းမှာတင် ခွေကျသွားရှာသည်..။ မိနစ်ပိုင်းလေးအတွင်းမှာပင်.. အခြေအနေတွေက မယုံကြည်နိုင်စရာ..။

အဆုံးမှာတော့ ဗိုလ်ချုပ်အောင်ဆန်း၊ ဦးဘဝင်း၊ မန်းဘခိုင်၊ စပ်စံထွန်း၊ ဦးရာဇတ်၊ ဒီးဒုတ် ဦးဘချို၊ သခင်မြ၊ ဦးအုန်းမောင်နှင့် ရဲဘော်ကိုထွေး တို့ ကျဆုံးခဲ့ရသည်..။ ၁၉၄၇-ခုနှစ်၊ ဇူလိုင်လ (၁၉) ရက်၊ နံနက် ၁၀း ၃၇ မိနစ်အချိန်..။ ဗမာတပြည်လုံး ကြိမ်မီးအုံး ဖြစ်ခဲ့ရသည်..။ ထို့ကြောင့် ၁၉၄၈-ခုနှစ်၊ ဇန်န၀ါရီလ (၄) ရက်နေ့ ဗမာပြည်လွတ်လပ်ရေးရပြီးသည့်အချိန်မှစပြီး ဇူလိုင်လ (၁၉) ရက်ကို “အာဇာနည်နေ့” အဖြစ် အသိအမှတ်ပြုကာ ကျင်းပခဲ့ကြသည်..။

ဗိုလ်ချုပ်တို့လိုမျိုး ပထမတန်းစားခေါင်းဆောင်တွေ ကျဆုံးခဲ့ရလို့ ဦးနု-တို့လိုမျိုး ဒုတိယ တန်းစား ခေါင်းဆောင်တွေနဲ့ တိုင်းပြည်ကိုလည်ပတ်ရတဲ့အခါ ၀င်သင့်တဲ့ နိုင်ငံတကာ အသိုင်း အ၀ိုင်းသို့ မ၀င်ခြင်း.. (ဓနသဟာယအဖွဲ့မ၀င်ခြင်းကို ဆိုလိုပါသည်။)၊ တိုင်းရင်းသားအရေးကို မှန်ကန်စွာ မဖြေရှင်းပေးနိုင်သဖြင့် ပြည်တွင်းစစ်ကို အဆုံးမသတ်နိုင်ခြင်း..၊ ၁၉၅၈-ခုနှစ်တွင် ပါလီမန်အတွင်းမှာ အတိုက်အခံတွေ တားမြစ်နေတဲ့ကြားက ဥပဒေကိုပြင်ကာ တိုင်းပြည်ကို စစ်တပ်အတွင်း ထိုးအပ်ခြင်း.. စတဲ့ ပြင်လို့မရတဲ့ အမှားတွေကို ကျူးလွန်ခဲ့ပါတယ်..။

အကျိုးဆက်ကတော့ အမျိုးသားဖက်ဆစ် စစ်အာဏာရှင်တုို့၏ လက်ထဲသို့ တိုင်းပြည်ကျ ရောက်ကာ သယံဇာတ ပေါကြွယ်ဝတဲ့ တိုင်းပြည်မှသည် ကမ္ဘာ့အဆင်းရဲဆုံး..၊ လူ့အခွင့်အရေး အချိုးဖောက်ဆုံး..၊ သတင်းလွတ်လပ်ခွင့် မရှိဆုံး..၊ ဘိန်းအထွက်ဆုံး.. ဆိုတဲ့ဂုဏ်ထူးတွေနဲ့ ပြည့် နှက်နေရခြင်းပါပဲ..။ ဒါ့အပြင် ယနေ့အခါမှာတော့ “အာဇာနည်နေ့” ကို ခန်းနားစွာ ကျင်းပရမဲ့အစား ဖက်ဆစ်ပီသစွာ အာဇာနည်နေ့ကိုပင် ဖျောက်ပစ်နေပါပြီ..။

ပြည်သူတွေလဲ ပင်ပန်းလှပါပြီ..၊ ငတ်လှပါပြီ..။ ဖက်ဆစ်စစ်တပ်ရဲ့ သဘောထားမှန်ကို ပြည်သူပြည်သားတွေရော..၊ ပြည်တွင်းပြည်ပ အတိုက်အခံအင်အားစုတွေရော နားလည်သဘော ပေါက်ကြမယ်-လို့တော့ ထင်ပါတယ်..။
ဒါ့ကြောင့် အတိုက်အခံ အင်အားစုများအနေနဲ့ ညီညွတ်ကြပါ..၊ အာဏာ တနေ့ရနိုး..၊ လွှဲနိုးနဲ့ မျှော်ကိုးမှုတွေကို ရပ်တန်းက ရပ်ကြပါတော့..။ အိန္ဒိယနိုင်ငံမှာ ဂန္ဓီ-က အကြမ်းမဖက်ရေး လမ်းစဉ်ကျင့် သုံးသလို ချန်ဒရာ ဘော့ရှ်-တို့လို ပြတ်သားတဲ့ ခေါင်းဆောင်တွေကြောင့် လွတ်လပ် ရေး ရတယ်-ဆိုတာကိုလဲ မမေ့ကြပါနဲ့..။

တဘက်က ဒေါ်အောင်ဆန်းစုကြည်က အကြမ်းမဖက်ရေးလမ်းစဉ်ကို လျှောက်လှမ်းသလို.. တဘက်ကလည်း လုပ်သင့်လုပ်ထိုက်သည်များကို ပြတ်ပြတ်သားသား လုပ်ကိုင်ဖို့ လိုအပ်ပါတယ်-လို့ အသိပေးတိုက်တွန်းရင်း.. “တချက်လေးသာ ညီညွတ်ပါ” ဆိုတဲ့ ဆောင်းပါးဖြင့် “အာဇာ နည်နေ့” ကို ဂုဏ်ပြု မှတ်တမ်းတင်ပါကြောင်း…

နီသွေး
ဇူလိုင် (၁၈) ရက်၊ ၂၀၀၈
(အာဇည်နည်ခေါင်းဆောင်ကြီးများအား အလေးထားဦးညွတ်ပါ၏)
(၀န်ခံချက်- ဟိုဟိုဒီဒီ ဖတ်ဖူးသမျှလေးတွေကို မှီးကာ ရေးသားခြင်းဖြစ်ပါကြောင်း..)