အစိုးရက ဘိုကလေးရေလုပ်သားများအတွက် ရေလုပ်ငန်းသုံးပစ္စည်းချပေး ရေလုပ်ငန်း ပွဲစားကြီးတွေ လက်ဝါးကြီးအုပ်

ကိုဝိုင်း/ ၁၈ သြဂုတ် ၂၀၀၈-မြန်မာစစ်အစိုးရ ရေလုပ်ငန်းဌာနက ဘိုကလေးမြို့နယ်အတွင်းရှိ နာဂစ်ဒုက္ခရေလုပ်
သားများအား ရေလုပ်ငန်း အထောက်အကူပစ္စည်းများကို ထုတ်ပေးရာတွင် ခွဲခြားမှုများရှိနေကြောင်း ရေလုပ်သ
မားများနှင့် နီးစပ်သည့် ဘိုကလေးမြို့ခံတဦးက ပြောသည်။

၎င်းက “အခု ရေလုပ်ငန်းကနေ ပိုက်တွေ၊ လှေတွေ၊ လှေနဲ့တွဲသုံးတဲ့ ဟွန်ဒါစက်ကလေးတွေ ပေးတယ်။ ပေးတဲ့မူ
က မြို့ပေါ်မှာရှိတဲ့ ရေလုပ်ငန်းပွဲစားကြီးတွေက ချုပ်ကိုင်ပြီးတော့ သူတို့က အာမခံတဲ့လူတွေကိုပေးတာ။ အဲဒီတော့
သူတို့နဲ့ အချိတ်အဆက်ရှိတဲ့ လူတွေပဲ လှေတွေ စက်တွေရတယ်။ သူတို့နဲ့ ငွေပေးငွေယူရှိတဲ့ လူတွေကိုပေါ့။ တခြား
လူတွေကိုတော့ များသောအားဖြင့် ပိုက်တွေပဲပေးတာများတယ်။ လှေကိုတော့ စောင့်ပါဦးတို့ ဘာတို့ပြောတာပေါ့”
ဟုပြောသည်။

ဘိုကလေးမြို့တွင် ရေလုပ်ငန်းပွဲစားကြီး (၄-၅) ဦးခန့်ရှိပြီး ၎င်းတို့နှင့် မနီးစပ်၍ ပိုက်များသာ ရရှိသူများလည်းရှိသည်။ အဆိုပါလုပ်သားများ လိုအပ်နေသည့် ပိုက်အမျိုးအစားနှင့်ရရှိသည့် ပိုက်အမျိုးအစား မကိုက်ညီသောကြောင့် ပြန်လည် ရောင်းချမှုများရှိနေသဖြင့် ဘိုကလေးမှ ရောင်းဝယ်ရေးသမားတချို့နှင့် စစ်ကားများ၊ ပုဂ္ဂလိကကုမ္ပဏီကားများ စီးပွား
ဖြစ်နေကြောင်း သိရသည်။

“လိုချင်တာက ငါးသလောက်ပိုက်၊ ရတာက ငါးပုတ်သင်ပိုက် အဲဒီလိုမျိုးတွေများတယ်။ လိုတာနဲ့ ရတာမကိုက်တော့ ရ
တဲ့လူကရောင်းစားတယ်။ ပိုက်တဖုံကို (၁) သိန်း (၂) သောင်းနဲ့ရောင်းတယ်။ အပြင်ပေါက်ဈေးက (၂) သိန်းလောက်
ရှိတယ်။ ဘိုကလေးမှာပဲ ကောက်တဲ့လူတွေရှိတယ်။ စစ်ကားတွေက ရန်ကုန်ကနေဝေခြမ်းရေးနဲ့ပစ္စည်းတွေ ဘိုကလေး
ကို တင်လာတယ်။ အပြန်ကျတော့ ဒီကနေ ဝေခြမ်းရေးပြန်ကောက်တဲ့လူတွေဆီက ကုန်တွေလက်ခံပြီးတော့ ကားတစီး
ကို (၁) သိန်းခွဲ (၂) သိန်းလောက်တောင်းပြီး ရန်ကုန်ပြန်တင်တယ်။ ကုမ္ပဏီကားကြီးတွေ လည်းတင်တာပဲ။ တင်ခက နာဂစ်ဖြစ်ကာစက (၁) သိန်းလောက်ပဲရှိတာ” ဟု အဆိုပါမြို့ခံက ဆက်ပြောသည်။

ထို့အပြင် ဘိုကလေးမြို့နယ်အထက်ပိုင်းရှိ ဘုရားသုံးဆူကျေးရွာအုပ်စုဝင် ကျေးရွာအချို့၌ ဒီဇယ်ဆီများ ထုတ်ပေးခဲ့ရာ
တွင် သယ်ဆောင်စားရိတ်ဟုအကြောင်းပြ၍ ကျေးရွာအုပ်စု တာဝန်ရှိသူများက လယ်သမားများထံမှ ငွေကောက်ခံမှု
များရှိနေသည့်အပြင် သက်ဆိုင်ရာ အထက်အရာရှိများထံ ဒီဇယ်တောင်းခံရာတွင်လည်း အမှန်တကယ်ဝေငှသည့် လယ်
ဧကပမာဏထက် ပိုတင်ခဲ့ကြကြောင်းလည်းသိရသည်။ အဆိုပါ ဒီဇယ်ပေးဝေသည်မှာ (၂) လနီးပါးကြာခဲ့ပြီဖြစ်သော်
လည်း ပထမအရစ်သာရှိသေးပြီး ဒုတိယအရစ်ကို ယခုအထိ ပေးဝေခြင်းမရှိသေးပေ။

စစ်အစိုးရမှချပေးသည့် စပါးမျိုးများမအောင်မြင်ခြင်း၊ ယခင်လက ခွဲဝေပေးသော ကျွဲနွားများမှာလည်း ဒေသမတူခြင်း၊
ရေမြေ ရာသီဥတုမတူညီခြင်းတို့ကြောင့် အသုံးမတည့်ဖြစ်နေခြင်း၊ ကုလသမဂ္ဂကူညီရေးအဖွဲ့များနှင့် အခြားအစိုးရမ
ဟုတ်သည့် အဖွဲ့များကလည်း ဘိုကလေးအောက်ဖက်ရှိ နာဂစ်ဒဏ်အဓိကခံခဲ့ရသော ကျေးရွာအုပ်စုများဘက်ကိုသာဦး
စားပေးနေသောကြောင့် ဘိုကလေးအထက်ရှိကျေးရွာများမှ ဒုက္ခသည်များမှာ အစားအသောက်အတွက် စိုးရိမ်နေရမှု
များ ဖြစ်ပေါ်နေကြသည်ဟုလည်းသိရသည်။ ။

By NEJ